SHBA- Presidenti Donald Trump bëri thirrje sot për negociata të menjëhershme me aleatët evropianë, për të negociuar një blerje të mundshme të Grenlandës nga SHBA.
Duke folur me udhëheqësit botërorë në Forumin Ekonomik Botëror në Davos, Zvicër, Trump paraqiti rastin e tij pse ai beson se aneksimi i Grenlandës nga SHBA, një territor autonom i Danimarkës dhe një vend i NATO-s është në interesin më të mirë të Amerikës dhe Evropës.
“Janë vetëm Shtetet e Bashkuara që mund ta mbrojnë këtë masë gjigante toke, këtë copë gjigante akulli, ta zhvillojnë dhe ta përmirësojnë dhe ta bëjnë atë në mënyrë që të jetë e mirë për Evropën dhe e sigurt për Evropën dhe e mirë për ne.
Dhe kjo është arsyeja pse unë po kërkoj negociata të menjëhershme për të diskutuar edhe një herë blerjen e Grenlandës nga Shtetet e Bashkuara, ashtu siç kemi fituar shumë territore të tjera gjatë historisë sonë, siç kanë bërë shumë nga vendet evropiane.” tha Trump.
Trump gjithashtu argumentoi se kontrolli amerikan i Grenlandës do të forconte aleancën e NATO-s
