Kanye West u pa me një maskë të plotë që i mbulonte fytyrën, e cila fshihte kokën, sytë dhe hundët e tij ndërsa ishte në Los Angeles.
Ylli zhvilloi një takim me bashkëpunëtorët e biznesit jashtë të hënën, dhe reperi 44-vjeçar dukej se po bënte çmos për të qëndruar i fshehur, shkruan DailyMail.
Gjatë takimit të qetë, ai mund të shihej i mbështetur në një portë betoni ndërsa kishte veshur një xhaketë të zezë lëkure, xhinse të ngjashme dhe çizme shiu.
Kjo paraqitje e tij vjen në të njëjtën ditë që West la gjithashtu një seancë në studio me Big Sean dhe French Montana në orët e para.
Gjatë fundjavës, babai i katër fëmijëve akuzoi ish-in e tij Kim Kardashian se nuk e kishte lejuar në festën e ditëlindjes së vajzës së tij, Chicago në Intsagram, por më në fund mori vendndodhjen nga Travis Scott.
Në një video të xhiruar nga Kanye gjatë vozitjes të shtunën, producenti u mërzit në mënyrë pasive-agresive që nuk iu ‘lejua të dinte’ vendndodhjen e festës.
“Duhej të isha në Miami për të regjistruar albumin tim. I gjithë orari im bazohet në faktin se unë mund t’i çoj fëmijët e mi në shkollë, unë jam aty për ta, duke u siguruar që jam në jetën e tyre, kjo është e gjithë çështja”, vazhdoi Kanye.
