Kjo është Edjona Sala, studentja shqiptare në Itali, e cila humbi jetën ditën e djeshme në një aksident rrugor brenda tunelit të Kalimashit. E reja ishte pasagjere dhe ka ndërruar jetë nga përplasja e fortë.
Sala udhëtonte në mjetin me targë shqiptare AB 214 EP, me drejtues Gjino Malci nga Shkopeti, në kohën kur ky i fundit ka goditur nga mbrapa mjetin me targa italiane FB 282 FN, ku udhëtonin shqiptari nga Kosova, Bexhet Zeneli, me vëllain dhe kunatën e tij.
Për pasojë ka ndërruar jetë pasagjerja Edjona Sala, e cila gjendej në mjetin që drejtohej nga Malçi, ndërsa ky i fundit së bashku me Mariglen Gjokën dhe Sandra Begën kanë mbetur të plagosur dhe po marrin mjekimin në spital.