FRANCË- Kupa e Botës në Katar mund të ketë përfunduar tashmë për Karim Benzema. Sulmuesi francez është dëmtuar gjatë stërvitjes së mbrëmjes së kombëtares transalpine dhe sipas mediave franceze tashmë është i sigurt se nuk do të jetë i pranishëm në debutimin e Francës, ditën e martë kundër Australisë, për shkak të dhimbjeve të forta muskulore, që e mundon prej një muaji, gjithnjë nëse nuk bëhet fjalë për dëmtim të ri. Sulmuesi i është nënshtruar ekzaminimeve të nevojshme në klinikën Aspetar në Doha. Pas një ore ai çaloi jashtë në orën 22.15, i shoqëruar nga doktori Franck Le Gall, mjek i kombëtares franceze.
Sot ishte seanca e parë stërvitore e Benzemas me grupin. Tani trajneri Didier Deschamps pret të dijë kushtet e sulmuesit të Real Madrid për të vendosur nëse do ta zëvendësojë atë dhe për ta bërë këtë do të ketë kohë deri të hënën, një ditë para debutimit.
Mungesa e Benzema-s do të ishte një goditje e fortë për trajnerin e kampionëve në fuqi, i cili tashmë duhej të dorëzohej për shkak të dëmtimeve të mesfushorëve Paul Pogba dhe N’Golo Kantè, portierin Mike Maignan, mbrojtësi Presnel Kimpembe dhe sulmuesi Christopher Nkunku.
