Gazetari Osman Stafa fiton çmimin prestigjioz të BE për gazetari investigative

Çmimet për gazetari Investigative jepen çdo vit nga BE në të gjitha vendet e Ballkanit Perëndimor dhe në Turqi, ndërsa janë më të rëndësishmet e fushës së gazetarisë që jepen nga Bashkimi Europian.

Pas vlerësimit Stafa nuk e ka fshehur lumturinë, duke shprehur mirënjohje në rrjetin e tij social facebook, duke premtuar se do ti shkojë cështjes së iniciuar prej tij deri në fund.

Më shumë se i lumtur të vlerësohesha me çmimin prestigjoz të Bashkimit Europian për Gazetarinë Investigative 2023. Juria më vlerësoi me vendin e dytë. 😊

Investigimi, “Mungesa e ilaçeve në QSUNT rrezikon jetën e fëmijëve, që vuajnë nga tumori”, nuk është vetëm një shkrim, por një histori e fortë e shpërdorimit të detyrës me pasoja, jetët e fëmijëve që vuajnë nga tumoret. Ishte pas këtij shkrimi që 4 medikamnetet (kimio) që mungonin, të siguroheshin dhe të vazhdojnë të sigurohen.

Por këtë çështje e kam çuar në Gjykatë, ku aktualisht çështja është në Apel. Unë këtë çështje do e çoj deri në fund.

Falenderoj BE-në për çmimin, Thomson Media për organizimin, dhe Investigative Network Albania (mbështetur nga Ambasada e SHBA) e cila publikoi shkrimin.