TIRANË– Tre kontrollorët e trafikut ajror në Rinas të arrestuar pas grevës disa ditorë të zhvilluar disa muaj më pare, do të përgjigjen para gjykatës për akuzën “pengimit të qarkullimit te mjeteve ajrore”.Prokuroria e Tiranës ka përfunduar hetimet dhe ka dërguar për gjykim tre ish punonjësit e Kontrollit të Trafikut Ajror në Rinas Armando Fezga, Flora Ndreca dhe Muhin Mezini që do të gjykohen për akuzën e “pengimit të qarkullimit të mjeteve ajrore” për të cilën rrezikojnë deri në tre vite burg.
Çështja u hetua nga prokurorja Marjeta Zaimi, e cila ka dërguar dosjen në gjykatë për seancë paraprake.
Tre kontrollorët u vunë në pranga që në muajin prill të këtij viti pas një greve disa ditore pasi shpallën ‘paaftësi’ për punë për shkak të stresit të krijuar dhe përgjysmimi i pagave të tyre. ata nuk kanë pranuar se kanë organizuar grevë duke i qëndruar pretendimit se në kushte stresi nuk punonin dot.
