Meta u shpreh se falë heroizmit të tij, dy fëmijë sot janë në jetë.
Kryetari i Partisë së Lirisë Ilir Meta, ka reaguar në lidhje me Robert Necaj, heroin që shpëtoi dy adoleshentë kosovarë në Shëngjin dy ditë më parë. Me anë të një postimi në Facebook, Meta u shpreh se falë heroizmit të tij, dy fëmijë sot janë në jetë.
POSTIMI:
ROBERT NECAJ, HEROI I HESHTUR I DITËVE TË ZAKONSHME! ???? Dy fëmijë janë sot në jetë falë aktit të këtij djali të jashtëzakonshëm, që edhe pse pa i njohur, luftoi me dallgët, duke rrezikuar jetën e vet, për t’i shpëtuar. Të tre sot janë mes nesh dhe ky është një lajm i mrekullueshëm. Mirënjohje dhe respektin më të thellë për këtë simbol frymëzues të sakrificës dhe dashurisë për jetën në emër të vlerave më të larta humane.
