Kur mendoni për vodkën, çfarë ju vjen në mendje? Festa nëpër lokale dhe “zvarritje” për pak qejf fundjavave, apo ndoshta mbrëmje të sofistikuara koktejlesh dhe netë të gjata vere duke pirë martini me fruta pasioni?
Vodka ka qenë “e plotësuar” në çdo kuptim të fjalës gjatë historisë së saj 900-vjeçare, nga fuqia te seksi dhe sofistikimi. Më shumë se një pije e thjeshtë, ajo është e rrënjosur në mjekimet popullore, kulturën popullore, traditat dhe ritualet festive. Nuk duhet të habiteni, pra, që vodka ka një histori të gjatë, magjepsëse dhe ndërkombëtare që është po aq e larmishme sa edhe ata që e pinë…
Nga Rusia, me dashuri
Thuhet se Vodka e ka nisur jetën si një eliksir i fuqishëm medicinal i prodhuar nga murgjit mesjetarë në Rusi (ose, disa argumentojnë, Poloni). Në vitet 1470, Princi i Madh Rus Ivan III, duke parë potencialin e SAJ, krijoi monopolin e parë shtetëror të vodkës dhe ajo u bë një gjeneruese jetike e të ardhurave për arkën kombëtare. Nipi i tij, Ivani i Tmerrshëm, i dha forcës së tij të policisë vrasëse, Oprichniki, akses ekskluziv në tavernat në Moskë ku shërbehej vodka me bollëk.
Dy shekuj më vonë, Katerina e Madhe e njohu fuqinë e vodkës dhe e mbajti kontrollin e distilimit të vodkës në mënyrë solide në duart e aristokratëve. Fisnikët rusë e gëzonin këtë privilegj për më shumë se 100 vjet.
Efekti i Hollivudit
Për shekuj me radhë, Evropa Lindore mbeti zemra e vodkës, por më në fund pushtoi “zemrën” e Amerikës, për ironi, falë ndalimit. Banakierët që u larguan për të gjetur punë në Evropë në vitet 1920, hasën në vodka dhe, duke u kthyer në shtëpi në vitet 1930, përhapën fjalën. Për yjet e Hollivudit që nuk donin të shiheshin duke pirë, shija delikate dhe mungesa e erës së vodkës ishte një ndihmë, dhe shpikja e viteve 1940 e koktejlit në Moskë, me birrë xhenxhefil dhe (fillimisht) limon, ndihmoi në zgjerimin e tërheqjes ndaj saj.
E përqafuar nga Hollyëood-i, pija i magjepsi shpejt dhe në vitin 1947 Joan Craëford thuhet se organizoi një festë ku shërbeu vetëm vodka dhe shampanjë, duke vulosur statusin elegant të saj. Pikërisht në këtë kohë po shfaqej koktejli martini, me recetën e parë të botuar që u shfaq në librin e recetave të David Embury të vitit 1948, The Fine Art of Mixing Drinks.
Vodka martini, siç u bë e famshme nga James Bond
Në vitin 1954, shitjet e vodkës arritën në 1.1 milion në mbarë botën, nga 40,000 vetëm katër vjet më parë, duke sinjalizuar një rritje të jashtëzakonshme të kërkesës. Pati një shpërthim edhe në popullaritetin e koktejeve të vodkës: nga “blody mary ” në vitet 1930, te flaka e dashurisë në vitet ’70 dhe kokteji i martinit me ekspres në vitet ’80, secili solli vodka në audienca të reja, duke zgjeruar gamën.
Një variant i martinit të thatë u bë i famshëm për herë të parë me përfshirjen e tij në romanin Casino Royale të Ian Fleming të vitit 1953, kur Bond i jep udhëzime të sakta një banakieri kazinoje, duke këshilluar se pija do të bëhej më mirë me vodka.
Bond pinte koktejle të tjera, por martini i tij me vodka u bë epik në ekran. Kur, në filmin Goldfinger të vitit 1964, Bond tha “të tundur, jo të trazuar”, ai konfirmoi vodka martinin si një klasik të përjetshëm që ngjall tërheqje sensuale. Nuk janë vetëm agjentët specialë dhe yjet e Hollivudit që kanë popullarizuar vodkën. Në fund të viteve 1990, pamja e Carrie Bradshaë nga Sex and the City me koktejin e saj kozmopolitan, nxiti një brez të grave të pavarura, që të fillonin të pinin koktejle pa e çarë kokën.
Vodka është alkooli më delikat, kështu që kërkon kohë për të gjetur dhe vlerësuar notat dhe karakteristikat e saj dominuese. Por kërkoni dhe do të gjeni. Siç na pëlqen të themi: Nga thjeshtësia vjen kompleksiteti
Marrë nga The Guardian
