Një ngjarje e rëndë është regjistruar ditën e sotme në Itali.
Sipas mediave të huaja një 49-vjeçar shqiptar është gjetur i pajetë në Itali.
Mësohet se Aineo Redo, me profesion avokat, është gjetur nga kalimtarët në rrugë dhe me fytin e prerë me thikë në Reggio Emilia.
Ngjarja horror ka tronditur të gjithë opinionin publik, teksa hetuesit gjetën në vendngjarje thikën në dorën e viktimës. Pista e parë e hetuesve është vetëvrasja. Por këto janë vetëm dyshimet e para ndërsa aktualisht po hetohet edhe pista e vrasjes.
Deri më tani sipas mediave italiane ka dyshime se autori të ketë vendosur thikën në dorën e 49-vjeçarit për të shmangur hetimet në mënyrë që ngjarja e rëndë të duket si vetëvrasje.
Por do të jetë ekspertiza mjeko-ligjore që do të përcaktojë shkaqet e sakta të vdekjes dhe rrethanat e ngjarjes. Deri më tani nuk ka dëshmitarë ndërsa pritet të sekuestrohen kamerat e sigurisë.
