E rëndë në Greqi.
I riu shqiptar humb jetën në një aksident tragjik pasi makina e tij doli nga rruga.
Mediet greke raportojnë se aksidenti ka ndodhur në Imathi në rrugën mes Meliki–Vergina ndërsa i riu që ka humbur jetën është nga Korça. Të plagosur kanë mbetur 2 shokët e tij që ishin me të në makinë.
Shkak i aksidentit dyshohet se ka qenë dalja nga rruga e mjetit, duke bërë që makina të përfundonte në një fushë. Siç shihet nga pamjet, makina është shkatërruar plotësisht.
Në vendngjarje kanë mbërritur forcat e policisë dhe po punojnë për zbardhjen e rrethanave të aksidentit.