Identifikohet drejtuesi i mjetit që e përplasi për vd*ekje 65-vjeçaren dhe u largua nga vendngjarja

0

Policia ka shpallur në kërkim një 27-vjeçar për aksidentin e ndodhur pasditen e sotme në fshatin Bulgarec të Korçës.

I riu pasi përplasi një këmbësore, u largua nga vendi i ngjarjes, ndërsa 65-vjeçarja ndërroi jetë në spital.

Ngjarja ndodhi rreth orës 17:40. Policia Rrugore ka kryer një sërë kontrollesh dhe ka analizuar pamjet filmike të kamerave të sigurisë për të zbuluar autorin e aksidentit.

“Pas një ndjekjeje intensive dhe kontrollesh të imtësishme nga ana e Policisë, është bërë i mundur identifikimi i autorit. Bëhet fjalë për shtetasin G. M., 27 vjeç, banues në Dërsnik, i cili tashmë është shpallur në kërkim”, sqaron policia.

Sipas burimeve zyrtare, përplasja ka ndodhur në momentin që viktima, shtetasja S. Q., 65 vjeçe, ishte duke lëvizur si këmbësore. Ajo më pas ka ndërruar jetë në spital si pasojë e plagëve të marra.

Ndërkohë, vijon puna për kapjen e 27-vjeçarit, ndërsa materialet procedurale i janë referuar Prokurorisë për veprime të mëtejshme ligjore.