Një aksident i rëndë ka ndodhur në një kantier ndërtimi në Tiranë.
Policia njofton se në Qytetin e Nxënësve, dyshohet se aksidentalisht ka rënë nga lartësia ku ishte duke punuar shtetasi I. L., 50 vjeç, i cili si pasojë është dëmtuar dhe ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Gjendja e të plagosurit është kritike, ndërkohë që kanë nisur hetimet në lidhje me kushtet e sigurisë në punë.
