Italia mbetet për të dytin edicion radhazi jashtë Botërorit. Skuadra e drejtuar nga Roberto Mançini është eliminuar në play-off nga Maqedonia e Veriut, duke u mundur në Palermo me shifrat 0-1.
Italianët dominuan të gjithë ndeshjen, duke tentuar disa herë portën maqedonase, por pa qenë të saktë me raste të panumërta të shpërdoruara. Në fund, kur priteshin kohët shtesë, diferencën e bëri gjuajtja e Trajkovskit nga jashtë zonës, e cila kaloi Donarumën dhe i dha Maqedonisë së Veriut një rezultat që pakkush e kishte parashikuar.
90’+2′ Trajkovski
NGJARJET KRYESORE
90’+2’ GOOOL Maqedonia e Veriut. Një top pa shumë pretendime kontrollohet nga maqedonasit me sferën që shkon te Trajkovski i cili gjuan nga jashtë zonës dhe kalon në avantazh skuadrën e tij.
85’ Pelegrini nga e majta gjuan drejt portës, por nuk gjen as kuadratin dhe as një shok të skuadrës që të devijojë.
78’ Predhë e Raspëadorit nga jashtë zonës, topi fluturon mbi traversën e portës së Maqedonisë së Veriut.
64’ Berardi kontrollon topin në zonë me gjoks dhe gjuan i sigurt drejt portës, një ndërhyrje vendimtar e Alioskit shpëton portën nga goli.
58’ Berardi është emri më i rrezikshëm i sulmit të Italisë, teksa del përsëri në pozicion gjuajtje. Këtë herë e djathta e tij fluturon topin mbi traversë.
54’ Përsëri një gjuajtje me të majtën e Berardit, këtë herë jashtë kuadratit teksa kërkonte të dërgonte topin në shtyllën e dytë.
53’ Berardi mundohet të dërgojë sferën në rrjetë me një gjuajtje me harkim, por Dimitrevski është në pozicion.
45’ Kundërsulm i shpejte i Bardhit i bën 60 metra me topin në këmbë dhe pastaj e pason për Ristovskin. Ky i fundit gjuan nga jashtë zonës, por çon sferën lehtësisht në duart e Donarumës.
36’ Tjetër mundësi e artë për Italinë para portës së Maqedonisë së Veriut me gjuajtje të njëpasnjëshme, por askush nuk e shtyn në rrjetë sferën.
30’ Imobile shfaqet në krahun e majtë të sulmit dhe gjuan me forcë, sfera devijohet mbi traversë.
28’ Një largim i gabuar i topit i jep mundësinë Berardit të shfaqet para portës së boshatisur. Por gjuajtja e sulmuesit është shumë e lehtë dhe Dimitresvksi kthehet e mbërthen topin
26’ Italianët qarkullojnë topin që nga fillimi i ndeshjes pranë zonës kundërshtare por pa gjetur hapësira të gjuajnë në zonë. Kështu, Verrati tenton nga distanca, por pa shumë sukses.
