Për dy ditë radhazi, u zhvillua Kampionati Kombëtar i Pingpongut për moshat 15 dhe 19 vjeç në Gjirokastër. Në këtë kampionat morën pjesë edhe përfaqësues nga Elbasani.
Pas dy ditësh gara, mbushur me plot emocione, vajza nga Elbasani Eris Kokoneshi dominoi plotësisht kategorinë U19, duke fituar të gjitha takimet dhe duke u shpallur Kampione Kombëtare! Erisi ia doli të triufojë duke i fituar të gjitha ndeshjet, duke u shpallur kështu kampione kombëtare.
Ndërsa Ana Kokoneshi u rendit e 4-ta në kategorinë U15, duke dëshmuar përkushtim dhe nivel të lartë gare.
Ndryshe nga Elbasani sporti i pinpongut në disa qytete nuk ka njohur shtrirje.
Me këtë trofe 15 vjeçarja Eris Kokoneshi do të përfaqësojë Shqipërinë në të gjitha garat ndërkombëtare si kampione e Shqipërisë për vitin 2025.
