Kancelari gjerman Friedrich Merz mbërriti rreth orës 17:40 të ditës së sotme në Uashington, për një vizitë zyrtare në Shtëpinë e Bardhë, ku u prit nga presidenti i SHBA, Donald Trump.
Kjo është hera e parë që dy udhëheqësit takohen dhe lufta në Ukrainë ka të ngjarë të jetë në krye të axhendës.
Me një shtrëngim duarsh të zakonshëm nga presidenti Trump me të mbërritur, takimi dypalësh ka filluar.
Fillimisht, dy liderët po zhvillojnë një konferencë të shkurtër me gazetarët në Zyrën Ovale.
Kancelari gjerman falënderon presidentin amerikan për mikpritjen në Shtëpinë e Bardhë dhe thotë se të dy vendet kanë një bazë të mirë për bashkëpunim.
Trump vazhdon duke thënë se do të ketë një marrëdhënie të shkëlqyer me Gjermaninë.
Duke iu referuar luftës në Ukrainë, Trump thotë se është e trishtueshme ajo që po ndodh me Rusinë dhe Ukrainën.
