MALI I ZI- Parlamenti i Malit të Zi është konstituar, pas zgjedhjeve të 11 qershorit. Në seancën e sotme u verifikuan mandatet e 81 deputetëve.
Ndërkohë pritej që të zgjidhej edhe kryetari i kuvendit, mirëpo një gjë e tillë nuk ka ndodhur. Zgjedhja e kryetarit u shty për një seancë të re të parlamentit pasi në shërbimin e parlamentit nuk u dorëzua asnjë propozim për kandidatin e mundshëm.
Në seancë, përveç deputetëve, morën pjesë edhe përfaqësues të institucioneve shtetërore, të pushtetit gjyqësor, presidenti i Malit të Zi, Jakov Milatoviç, dhe zyrtarë të lartë malazezë.
