Takimi mes tyre është zhvilluar në sallën që mban emrin e kryeprokurorit italian Giovanni Falcone që u ekzekutua nga kryemafiozi Toto Riina.
Drejtuesi i Prokurorisë së Posaçme Kundër Korrupsionit dhe Krimit të Organizuar (SPAK), Arben Kraja ka takuar kreun e Antimafies italiane, Giovanni Melillo. Lajmi është bërë me dije nga faqja zyrtare e SPAK në rrjetet sociale.
Takimi mes tyre është zhvilluar në sallën që mban emrin e kryeprokurorit italian Giovanni Falcone që u ekzekutua nga kryemafiozi Toto Riina. Mes tyre është diskutuar për mundësinë e avancimit të institucioneve, ndërsa është rënë dakord që bashkëpunimi ndërmjet dy vendeve të ngrihet në një nivel më të lartë.
“Drejtuesi i SPAK zhvilloi një takim me z. Giovanni Melillo, Prokuror Kombëtar Antimafia & Antiterrorizëm në Itali. Homologët diskutuan rreth bashkëpunimit shumë të mirë mes dy institucioneve dhe u ra dakord të ngrihet në një nivel më të lartë puna e përbashkët,”- njofton SPAK në Twitter.
