Kryeministri i Britanisë, Boris Johnson, tha ditën e sotme se sistemi shëndetësor në këtë shtet do të jetë në gjendje të rënduar në javët në vazhdim për shkak të rasteve në rritje me COVID-19.
Megjithatë, ai ka thënë se nuk do të ketë shtrëngim të masave kundër COVID-19.
Varianti i ri i koronavirusit, Omicron, që shtë shumë i transmetueshëm ka bërë që numri i rasteve të reja ditore të Britanisë të rritet gjatë Krishtlindjeve dhe Vitit të Ri, me 157,758 infeksione dhe 42 vdekje të raportuara për Anglinë dhe Skocinë të hënën. Shifrat për Uellsin dhe Irlandën e Veriut nuk u publikuan.
“Unë mendoj se duhet të pranojmë se presioni mbi sistemin tonë shëndetësor, mbi spitalet tona, do të jetë i konsiderueshëm gjatë dy javëve të ardhshme dhe ndoshta më shumë,” tha Johnson gjatë një vizite në një qendër vaksinimi në Aylesbury.
Qeveria e Johnson hoqi pothuajse të gjitha kufizimet e koronavirusit në korrik, por muajin e kaluar ndryshoi kursin dhe nxiti “Planin B” të tij për Anglinë – duke urdhëruar mbajtjen e maskave në hapësira publike të brendshme, duke kërkuar prova të vaksinimit ose një test negativ për të hyrë në klubet e natës dhe duke u kërkuar njerëzve të punojnë nga shtëpia nëse munden.
“Pra, bëni të gjitha gjërat që kam thënë, sigurohuni që të ndjekim një Plan B, të përmirësohemi, por gjithashtu të ndihmojmë NHS-në me kërkesat e tyre të personelit dhe ne po shikojmë se çfarë mund të bëjmë për të zhvendosur njerëzit në ato zona që janë veçanërisht të prekura keq. Unë mendoj se rruga përpara për vendin në tërësi është të vazhdojë me rrugën në të cilën jemi. Ne do të mbajmë gjithçka nën shqyrtim. Kombimini i gjërave që ne po bëjmë për momentin është, mendoj, e duhura,” tha ai.
Johnson të hënën u kërkoi njerëzve t’u përmbahen atyre rregullave dhe të marrin një vaksinë përforcuese, pasi qeveria kërkon të plotësojë mungesën e personelit.Por Johnson duket se përjashtoi çdo shtrëngim të masave në ditët në vijim.
Marrë nga REL
