Festat e fundvit kanë sjellë fluks të shtuar në pikën e kalimit kufitar të Kapshticës. Gjatë 24 orëve të fundit nga kjo pikë kalimi në Shqipëri kanë hyrë 3311 të huaj dhe shqiptarë, duke shënuar kështu rritje të qytetarëve që hyjnë në vend për të kaluar festat e fundvitit.
Ndërkohë që deri më tani, ditët e fundit kanë hyrë në vend gjithsej 20561 qytetarë. Po ashtu, për të përballuar fluksin e emigrantëve që hyjnë në vend, në pikën kufitare janë shtuar sportelet në mënyrë që të shmanget radhët kilometrike që janë kthyer në të zakonta.
