Eksperti i sigurisë, Ilir Kulla, duke komentuar në Euro News situatën në veri të Kosovës, u ndal te komandanti i celulës serbe , tek ai i cili në qarqe ballkanike njihihet me termin ” I tmerrshmi i Serbisë”. Sipas Kullës Milan Radojiçiç është lideri i krimit të organizuar në 23-vitet e fundit që ka menaxhuar trafikun e nëndheut. Për Kullën,Radojçiç është arkani i kohëve moderne, veçse ka një territor të tijin që menaxhon.
“Milan Radojiçiç është lideri i krimit të organizuar në 23-vitet e fundit që ka menaxhuar trafikun e nëndheut. Ai që menaxhon kriptovalutën. Për mua ai është arkani i kohëve moderne. Ndryshe nga ‘arkani’, ky ka një territor që menaxhon. Është pronari, lideri, Presidenti i Veriut të Kosovës”-theksoi Kulla.
Grupi i personave të armatosur që sulmoi pjesëtarët e Policisë së Kosovës në fshatin Banjskë të komunës së Zveçanit, nuk është strukturë spontane, por e organizuar dhe e parapërgatitur mirë, thonë njohësit e çështjeve të sigurisë.
