Një 81-vjeçare ka humbur jetën tragjikisht në Tiranë, pasi është rrëzuar nga shkallët e pallatit ku banonte. Gjithashtu uniformat blu bëjnë me dije se ka humbur jetën edhe një 28-vjeçar, pasi dyshohet se ka rënë aksidentalisht nga lartësia e hotelit ku po qëndronte në bulevardin “Dëshmorët e Kombit”.
Njoftimi i policisë:
Në rrugën “Ali Demi”, dyshohet se aksidentalisht është rrëzuar nga shkallët të pallatit ku banon dhe për pasojë ka ndëruar jetë shtetasja S. B, 81 vjeçe.
Në bulevardin “Dëshmorët e Kombit”, dyshohet se ka rënë aksidentalisht nga lartësia e hotelit ku po qëndronte shtetasi A. M., 28 vjeç, i cili ka humbur jetën në spital.
Grupi hetimor po punon për sqarimin e rrethanave të ngjarjeve.