Paraprakisht raportohet se në trupin e 40-vjeçarit nuk janë konstatuar shenja dhune.
Një 40-vjeçar i identifikuar si Fredi Ceno, banues në fshatin Bitinckë, Devoll, është gjetur i mbytur në Liqenin e Prespës së Madhe. Këtë pasdite, trupi i tij është pikasur nga banorë të fshatit Pustec. Paraprakisht raportohet se në trupin e 40-vjeçarit nuk janë konstatuar shenja dhune. Por hetimet për ngjarjen vijojnë. Nuk dihet se si mund të jetë mbytur Ceno.
NJOFTIMI:
Me datë 28.08.2022, rreth orës 15:15, në liqenin e Prespës së Madhe, në afërsi të fshatit Gollomboç, Pustec, është gjetur i mbytur, pa shenja dhune, shtetasi F. C., 40 vjeç, banues në fshatin Bitinckë, Devoll. Grupi hetimor po punon për të sqaruar rrethanat e ngjarjes.
