Policia e Shtetit ka dhënë informacionin zyrtar në lidhje me shpërthimin me tritol që ka ndodhur mbrëmjen e sotme në dyqanin e Naim Stafukës, vëllai i të zhdukurit Enver Stafuka.
Policia thotë se tritoli është vendosur në derën e dyqanit dhe fatmirqsisht ka vetëm dëme materiale. Në vendin e ngjarjes ndodhet grupi hetimor dhe vijon punën për verifikimin e rrethanave të ngjarjes dhe zbulimin e autorëve.
NJOFTIMI
Krujë/Informacion paraprak
Rreth orës 22:05, në Fushë Krujë, në derën e dyqanit të shtetasit N.S, është vendosur një sasi lënde plasëse, ku nga shpërthimi ka vetëm dëmtim të derës së dyqanit.
Në vendin e ngjarjes ndodhet grupi hetimor dhe vijon punën për verifikimin e rrethanave të ngjarjes dhe zbulimin e autorëve.
