ka mësuar detaje të reja nga plagosja me armë zjarri që ndodhi mbrëmjen e sotme në qytetin e Shkodrës, ku shënjestër e plumbave ka qenë 34-vjecari Vinces Piroli.
Vincens Piroli është një emër jo i pa njohur. 34 -vjeçari ishte shpallur në kërkim ndërkombëtar në tetor të 2021, pasi akuzohej për vrasje. Bashkë me Dorian Lalën kishin vekzekutuar për hakmarrje një shtetas nga Mali i Zi të identifikuar si, Momçillo Gjurishiç.
Ngjarja në atë kohë ndodhi në Ulqin në lokalin e Gjurishiç më 4 korrik të 2021, vrasje e cila u dyshua se lidhet me një vrasje në 2017. Ende nuk dihet se si Piroli ka qarkulluar i lirë dhe çfarë ka ndodhur me procesin ndaj tij.
Policia dyshon se ai ka fshehur ngjarjen e sotme, gjë e cila nëse provohet mund ti kthehet edhe në akuzë. Kushëriri i tij e ka dërguar drejt spitalit të Lezhës më pas Traumës, por në deklarimet paraprake kanë qenë kontradiktor në lidhje me vendin dhe rrethanat në të cilat ka ndodhur ngjarja.