Elbasan, 12 prill 2025 – Specialistët e Qarkullimit Rrugor arrestuan në flagrancë shtetasin E. B., 45 vjeç, pasi ai u kap duke drejtuar automjetin në gjendje të dehur. Po ashtu, referuan materialet në Prokurori për disa raste të tjera:
A. R., banues në Elbasan, është përfshirë në një aksident në rrugën “Thoma Kalefi”, ku përplasi motomjetin me drejtues shtetasin E. M., 34 vjeç. Si pasojë e përplasjes, E. M. ka pësuar dëmtime dhe ndodhet në kujdesin mjekësor, por jashtë rrezikut për jetën.
Z. Sh., 33 vjeç, banues në Rrogozhinë, dyshohet se humbi kontrollin mbi automjetin në aksin rrugor “Peqin – Rrogozhinë”, duke dalë nga rruga. Dëmtime pësuan dy pasagjerë, të cilët janë jashtë rrezikut për jetën.
Po ashtu, specialistët për Hetimin e Krimeve të Komisariatit të Policisë Elbasan referuan materialet në Prokurori për shtetasin J. B., 29 vjeç, pasi u konstatua se në lokalin e tij, në lagjen “5 Maj”, kishte muzikë të lartë jashtë orarit të lejuar, duke shqetësuar qetësinë publike.
Në vijim, specialistët shpallën në kërkim shtetasin A. Ç., 40 vjeç, i cili dyshohet se ka vjedhur produkte në një kioskë në pronësi të një shtetaseje 54-vjeçare në lagjen “Shënkoll”. Policia është duke punuar për kapjen e tij.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.
