Një punonjës i gardës është vënë në prangat e policisë mbrëmjen e djeshme, për shkak se lëvizte me armë zjarri me vete në Tiranë.
Në prangat e policisë ka rënë 32-vjeçari Kristjan Gjini, ndërkohë që drejtuesi i gardës ka bërë dhe shkarkimin e menjëhershëm të tij.
Mësohet se përveç armës pa leje që iu gjet në makinë, të riut i janë sekuestruar dhe dy celularë, dhe po punohet për të zbardhur nëse ka qenë i implikuar në ndonjë ngjarje të mundshme kriminale.
Arrestimi i Gjinit është bërë nga ‘Forcat Shqiponja’ të Policisë, gjatë kontrolleve të rastësishme që bëhen në kryeqytet.