LUFTA/ SHBA: Moska po përgatitet për një konflikt të gjatë, 40 miliardë dollarë ndihma

0

UKRAINË- Lufta futet sot në ditën e 77-të ndërkohë luftimet intensive vazhdojnë në pjesët lindore dhe jugore të Ukrainës. Aleati i Rusisë Bjellorusia njoftoi se do të vendoste forcat speciale përgjatë kufirit që ndan me veriun e Ukrainës, duke pretenduar se kundërshton ngritjet ushtarake nga SHBA dhe aleatët e saj.

Ndërkohë, një agjenci e Kombeve të Bashkuara ka raportuar se më shumë se 8 milionë njerëz afërsisht një në pesë të popullsisë së paraluftës së Ukrainës janë të zhvendosu brenda vendit.

Dhoma e Përfaqësuesve e udhëhequr nga Demokratët votoi të martën në mbrëmje për të miratuar një projekt-ligj rreth 40 miliardë dollarë për dërgimin e ndihmës humanitare dhe ushtarake në Ukrainë, dhe projektligji do të shkojë në Senat për miratimin e tij të pritshëm përpara se të nënshkruhet nga Presidenti Joe Biden në ligj.

Sipas Drejtorit të Inteligjencës Kombëtare Avril Haines, Putini po përgatitet për një konflikt të gjatë. Komuniteti i inteligjencës amerikane beson se lufta ka të ngjarë të bëhet “më e paparashikueshme dhe përshkallëzuese” në muajt e ardhshëm.

“Lëvizja e ardhshme e presidentit Vladimir Putin do të jetë e vështirë të parashikohet pjesërisht sepse ai përballet me një mospërputhje midis ambicieve të tij dhe aftësive aktuale konvencionale ushtarake të Rusisë”– tha Haines.

Këshilli i Sigurimit i OKB-së pritet të mbajë një takim publik të enjten në mëngjes për situatën humanitare në Ukrainë me kërkesë të Francës dhe Meksikës. Zyra Humanitare e OKB-së dhe zyrtarët e UNICEF-it pritet të informojnë këshillin në atë kohë edhe pse nuk është caktuar asnjë votim.

Ndërsa probleme ka hasur edhe furnizimi me ushqime në ukrainë. Inteligjenca e ministrisë së mbrojtjes ukrainase ka thënë se gruri i vjedhur nga trupat ruse në zonat e pushtuara po dërgohet tashmë jashtë vendit, me një pjesë të madhe “në anije mallrash të thata nën flamurin rus në Mesdhe”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu