Mediat greke kanë publikuar pamjet e aksidentit të ndodhur në Fthiotida, ku kanë ndërruar jetë 3 persona, familje me origjinë nga Shqipëria.
Siç duket edhe nga pamjet e mëposhtme, makina me të cilën po udhëtonte familja shqiptare, është marrë para nga kamioni cisternë, duke u tërhequr zvarrë për disa metra.
Impakti i përplasjes ka qenë aq i fortë sa makina është shkatërruar plotësisht, duke sjellë edhe vdekjen e çiftit 46 dhe 43 vjeç, e po ashtu jetën në vend e ka ndërruar edhe vajza e tyre, vetëm 21 vjeç. I vetmi i mbijetuar nga aksidenti është djali i vogël i familjes, vetëm 17 vjeç.
