TIRANA- Fermerët janë mbledhur në shenjë proteste sot para Ministrisë së Bujqësisë. Ata kanë shfaqur një poster të madh ku kanë shkruar kërkesat e tyre duke e shpalosur në hyje të Ministrisë. Fermerët kërkojnë barazim të TVSH për produktet bujqësore; rimbursim për çdo litër qumësht; naftë pa taksa për mjetet bujqësore; fatura TVSH me çmim real nga pika e grumbullimit në ditën e dorëzimit të produktit; subvencionim për farat dhe fidanët dhe subvencionim për produktet organike.
Kujtojmë se disa herë fermerët kanë dalë në protestë për kërkesat e tyre, duke bllokuar qarkullimin në disa akse të vendit.
KËRKESAT E PLOTA:
1-Barazim të TVSH për produktet bujqësore;
2-Rimbursim për çdo litër qumësht;
3-Naftë pa taksa për mjetet bujqësore;
4-Fatura TVSH me çmim real nga pika e grumbullimit në ditën e dorëzimit të produktit;
5-Subvencionim për farat dhe fidanët;
6-Subvencionim për produktet organike.
