VLORË– Një ngjarje e ndodhur 10 vitë më parë në Greqi, ka qenë shkak për konfliktet e shpeshta mes Genc dhe Jorgji Koretës në Vlorë. Vetë Jorgji por dhe bashkëshortja e tij, që jetonin në Vlorë, e akuzonin shpesh 39-vjeçarin se ishte përgjegjës për aksidentin ku kishte ndërruar jetë djali i tyre, ndërkohë që i riu që nga ndodhia kishte një gjendje të rënduar psikologjike.
Mesa duket edhe dje debati mes tyre ka nisur për të njëjtin shkak, e përfundoi me vrasjen e 64-vjeçarit Jorgji Koreta dhe më pas vetëvrasjen e 39-vjeçarit mbrëmjen e djeshme me armë gjahu. Arma e gjahut ishte pa leje përdorimi nga Genci Koreta, e brenda kishte vetëm 2 fishekë. Ndërkohë që familjet kanë hapur dyert e mortit, në vendin e krimit vijojnë të jenë prezentë uniformat blu të Vlorës, për të shmangur ndonjë konflikt të mundshëm mes familjeve.
