Vogëlushja e Nora Istrefit dhe Robert Berishës, Renee, po rritet dita ditës dhe tashmë është bërë një zonjushë e vogël që na habit gjithmonë e më shumë në rrjete sociale.
Renee-n e mbajmë mend ende foshnjë, kur Nora e Roberti pozonin me të në krah, por ja që koha kalon shpejt dhe sot ajo feston 6-vjetorin e lindjes.
Në këtë ditë kaq të veçantë, për të u organizua një festë e madhe.
Së fundmi, Nora ndau me ndjekësit pamje nga festa, ku Rene duket si një princeshë e vërtetë me miqtë e saj të vegjël, teksa fryen qirinjtë.
“Gëzuar ditëlindjen gjithçka e imja”, shkroi Nora krahas imazheve.
Këngëtarja dhe Roberti janë bashkuar për t’i bërë të voglës së tyre dhuratën më të veçantë të ditëlindjes.
Ata i kanë dhuruar një mik të ri, një qenush të vogël të cilin duket se Renee e dashuron që tani.
Roberti ka ndarë në InstaStory dhuratën për të bijën, teksa shkruan:
“Shumë urime për ty Renee, shpirti i babit. E gëzofsh Ninën, sot i bën 2 muaj e ti 6 vjet. Të do babi shumë.”
Gjithashtu, Nora ka ndarë në profilin e saj në Instagram foto të Renee-s me qenushen në krahë.
Nora dhe Roberti kanë treguar se pavarësisht mosmarrëveshjeve të tyre, do të jenë gjithmonë aty për njëri-tjetrin si dy miq të mirë dhe sigurisht do ta luajnë siç duhet rolin e prindit për Renee-n.
