Ditët e fundit është përfolur se Mozzik e Loredana po pësojnë sërish një krizë ndarjeje pas kaq kohësh të ribashkuar. Çifti jo vetëm ka hequr njëri-tjetrin nga rrjetet sociale, por edhe po hedhin thumba përmes postimeve.
Loredana ka postuar së fundmi një status, ku me një pjesë të shkëputur nga kënga “Let you down” të reperit NF, tregon se ka marrë plaçkat e veta dhe është larguar.
“Mos më fol më, nuk do të funksionojë. Mora gjithë plaçkat e mia dhe u largova. As nuk dua të shkoj në shtëpinë tënde. Çdo herë që ulem në atë kolltuk më duket sikur më bën leksion. Përfundimisht, hedh bast se ne mund ta kishim bërë të funksiononte dhe me shumë mundësi do të kisha zgjidhur gjërat. Por mendoj se jam e zhgënjyer”, thuhet në këngën që Loredana ka publikuar.
Ky status vjen si kundërpërgjigje ndaj postimeve të Mozzik, i cili shkruante:
“Mos i lejoni idiotët t’ju prishin ditën. Mos harroni të doni veten të parën. Rregulli numër 1: Bëj çfarë të bën ty të lumtur. Vetëm sepse ju mungon dikush s’do të thotë se doni kthimin e tij pas në jetën tuaj. Mungesa është vetëm një pjesë e të ecurit para. Mos e kërko lumturinë në të njëjtin vend ku e humbe një herë!”.
