Gabimi i Aleks Sandros. Gëzimi i Alexis Sanchez, autorit të golit të ndeshjes. Kapiteni, Giorgio Chiellini i cili ngushëllon shokun e skuadërs dhe më pas duartroket rivalët që ngrenë trofeun në qiell. Këto janë pamjet e fundit të Superkupës së Italisë të luajtur në San Siro dhe fituar nga skuadra e Simone Inzaghit.
Një mbrëmje emocionuese, por ishte edhe një imazh që la një shije të hidhur në 120 minuta lojë. Në sektorin ku qëndronin tifozët e Juventusit u shfaq një banderolë: “Allegri vdis”! (është shfaqur në rrjetet sociale përmes llogarisë Juventus Club Suedi).Presidenti i Juventusit nuk ishte në stadium sepse ishte infektuar me Covid-19.
