Ish-Presidenti Ilir Meta ka shpërndarë një njoftim alarmues, ku denoncon një presion të vazhdueshëm dhe kërcënime që ai pretendon se po përjeton në paraburgim. Në një mesazh të shpërndarë nga Partia e Lirisë, Meta akuzon administratën e institucionit ku ai ndodhet për shkelje të drejtpërdrejta të të drejtave të njeriut dhe ligjeve të vendit, duke theksuar se ky presion është ushtruar në mënyrë të paligjshme dhe në kundërshtim me normat e drejtësisë.
Për t’i bërë me dije opinioni publik për këtë trajtim të papranueshëm, Meta ka njoftuar se do t’u drejtohet qytetarëve me një audio-mesazh, në të cilin do të zbulojë detaje mbi këtë situatë dhe do të denoncojë publikisht presionin e paprecedentë që po përjeton. Në këtë mesazh, ai synon të kërkojë mbështetje dhe vëmendje të ndërkombëtarëve, duke u përpjekur të tërheqë vëmendjen për shkeljet që, sipas tij, po ndodhin.
Ky hap i Metës vjen pas disa ditëve qëndrimi në paraburgim, dhe akuzave të vazhdueshme për abuzime dhe shkelje të drejtat e tij. Partia e Lirisë ka dënuar me forcë këto veprime dhe ka bërë thirrje për një hetim të plotë mbi këtë çështje, duke kërkuar që të sigurohet një trajtim i denjë dhe i drejtë për të gjithë qytetarët, pavarësisht pozicionit të tyre politik.
