Një modele e njohur në INSTAGRAM ka ndihmuar mamanë e saj t’i shpëtojë burgut, duke shpërqendruar rojen e sigurisë me “hiret” e saj.
Vajza kolumbiane, Aída Victoria Merlano, 21 vjeçe, raportohet se zbatoi planin e saj të guximshëm për të nxjerrë nënën nga burgu duke përdorur një litar dhe një motoçikletë.
Gjatë një gjyqi këtë javë, prokurorët thanë se modelja ndihmoi ish-politikanen, Aída Merlano Rebolledo të arratisej nga një burg në Bogota, përmes një litari.
Incidenti ndodhi në tetor 2019, kur Rebolledo, atëherë 38 vjeç, u bë senatore, por u dënua pak më vonë pasi autoritetet zbuluan prova të mashtrimit të votuesve, korrupsionit dhe posedimit të paligjshëm të armëve.
Ajo u dënua me 15 vjet burg, brenda gjashtë muajve nga fitorja e saj, dhe u arratis vetëm dy javë më pas.
Mundësia për t’u arratisur lindi kur Rebolledo kishte një takim me dentistin. Ndërsa ajo shoqërohej nga një roje burgu dhe një shofer, në zyrën e dentistit që ndodhet jashtë burgut, ajo u lejua të hynte e vetme.
Pamjet nga El Tiempo tregojnë momentin kur ajo ishte në gjendje të zbriste nga dritarja duke përdorur një litar.
Më pas atë e pret një burrë me motoçikletë dhe arratiset. Nga ana tjetër, vazja dyshohet se shpërqendroi rojet e sigurisë
Pothuajse një muaj më vonë ajo u shfaq në kopertinën e një reviste duke pozuar e zhveshur në pranga , me titullin “Rrëfehet vajza e kongresmenes së arratisur”.
Rebolledo u kap përfundimisht në Venezuelë disa muaj më vonë, në janar 2020. Kësaj jave nisën gjyqet e Aída Victoria dhe një dentisti që kishte ndihmuar në arratisjen, të cilët mund të përballen me dënime të gjata nëse shpallen fajtorë. Vajza nuk është dënuar ende nga gjykata.
