Gazi lotsjellës i përdorur nga policia nuk ka kursyer as besimtarët myslimanë, të cilët po kryenin ritet fetare brenda Xhamisë së Namazgjasë në momentin e përplasjeve.
Për shkak të përhapjes së gazit në zonë, shumë prej tyre janë detyruar të ndërpresin faljen dhe të largohen me nxitim nga ambientet e xhamisë.
Ndërkohë pak më parë një nga protestuesit dyshohet se është asfiksuar nga gazi dhe i ka rënë të fikët.
Momente tensioni u regjistruan edhe para Kryeministrisë, teksa protestuesit janë përplasur me forcat e policisë që kishin rrethuar godinën.
