SHBA- Shtetet e Bashkuara të Amerikës janë përfshirë nga stuhi dëbore vdekjeprurëse. Mediat e huaja bëjnë me dije se të paktën tre persona kanë vdekur pasi një stuhi e fuqishme dimërore ka shkaktuar tornado në shtetet jugore dhe duke mbuluar të tjerët me borë. Raportohet se si pasojë e tornados së fuqishme është shkatërruar edhe një shtëpi ku ndodhej një 30- vjeçare e identifikuar me emerin Yoshiko A Smith me djalin e saj 8- vjeçar Nikolus Little, të cilët kanë ndërruar jetë dhe trupat e tyre janë gjetur të mbuluar me borë. Ekipet e shpëtimit kërkuan për orë të tëra para se të gjenin nënën dhe djalin që vdiqën në një zonë rurale pranë qytetit të Shreveport. Trupi i pajetë i të miturit u gjet në një zonë të pyllëzuar gjysmë milje larg shtëpisë së familjes. Ndërsa nëna e tij u zbulua rreth një rrugë larg shtëpisë së shkatërruar, nën një grumbull mbeturinash.
Një grua 56-vjeçare u gjet gjithashtu e vdekur jashtë shtëpisë së saj në Parish St Charles, sipas një politikani lokal. Departamenti i Shëndetësisë në Luiziana tha se ajo vdiq pasi një tornado shkatërroi shtëpinë e saj. Në qytetin e vogël të Farmerville rreth 100 milje (160 km) larg, të paktën 25 njerëz u lënduan pas një tornado që goditi.Të paktën 18 tornado ranë në Teksas, Luiziana, Oklahoma dhe Misisipi të martën, duke plagosur banorë dhe duke shkatërruar shtëpi dhe ndërtesa. Më shumë u raportuan të mërkurën, ndërsa guvernatori i Luizianës shpalli gjendjen e jashtëzakonshme.
Stuhia e madhe solli, kushte të ngjashme me stuhinë në Midwest, me rrugë dhe shkolla të mbyllura dhe disa zona raportuan 4ft (1.2m) borë. Rreth 3300 fluturime janë vonuar dhe mbi 150 të tjera janë anuluar. Rreth 500,000 njerëz në katër shtete – Nebraska, ëyoming, Dakota e Jugut dhe Minesota – janë nën paralajmërime për stuhi, me erëra të fuqishme dhe reshje të dendura bore që e bëjnë të vështirë udhëtimin. Miliona të tjerë në mbarë vendin janë nën alarmet më pak të rënda të motit dimëror. Stuhi të forta parashikohen përgjatë bregut të Gjirit, duke përfshirë Luiziana, Misisipi, Alabama dhe pjesë të Floridës. Ka gjithashtu paralajmërime për tornado në pjesë të Luizianës dhe Mississippi.
