Moti i keq ka përfshirë vendin tonë këtë fundjavë. Si pasojë në Rrugën e Arbrit janë regjistruar dy aksidente paraditen e sotme.
Një automjet është përplasur me mjetet e mirëmbajtjes së rrugës.
Për pasojë, ka mbetur i plagosur rëndë pasagjeri i mjetit të vogël, i cili po dërgohet me urgjencë në drejtim të Spitalit të Traumës në Tiranë me një autoambulancë.
Gjithashtu, gazetari Dritan Kurti mëson se një makinë në byppasin e Murrizit është përplasur me barrierën metalike dhe ka mbetur e bllokuar.
Nuk dihet nëse ka të lënduar nga ky aksident.
