Shërbimet e komunikimit dhe të internetit në Rripin e Gazës janë plotësisht të ndërprera, kanë njoftuar ditën e sotme tre kompani të internetit sipas CNN.
“Me keqardhje ju njoftojmë për një ndërprerje të plotë të shërbimeve të telekomunikacionit fiks dhe Internetit me Rripin e dashur të Gazës, për shkak të agresionit të vazhdueshëm. Ekuipazhet tona teknike po punojnë për të rivendosur shërbimet pavarësisht kushteve të rrezikshme në terren,” shkruhet në deklaratën e publikuar në llogarinë zyrtare të Facebook në Jawwal Group’.
Ooredoo dhe Paltel postuan deklarata të ngjashme në faqet e tyre në Facebook, ku të dy përmendin luftimet e vazhdueshme në Gaza.
Faqja e monitorimit të internetit Netblocks tha për CNN të mërkurën se të dhënat e rrjetit tregojnë një kolaps të ri në lidhje në Rripin e Gazës.
“Telemetria jonë konfirmon një ndërprerje të re në lidhjen në Rripin e Gazës ,incidenti i sotëm është në përputhje me ndërprerjet e mëparshme të internetit dhe telekomit dhe, si në incidentet e kaluara, ka të ngjarë të lërë shumicën e banorëve jashtë linje. Edhe kur ka njëfarë lidhjeje, shërbimi mbetet dukshëm nën nivelet e para konfliktit,” tha Netblocks për CNN në një deklaratë me shkrim.
