Ndjekësit krijojnë një mural me Rita Orën, ja si ka reaguar këngëtarja

0

Që nga debutimi i saj në vitin 2012 e deri më tani, ajo mbetet një nga krenaritë më të mëdha të shqiptarëve, anë e mbanë globit.

Artistja shqiptare me renome ndërkombëtare, Rita Ora, e ka theksuar gjithmonë prejardhjen e saj shqiptare.

Ajo madje në klipin “Big” të publikuar gjatë këtij viti, u shfaq me veshje tradicionale kombëtare, të modifikuar nga stilisti Valdrin Sahiti, duke promovuar kështu në tregun ndërkombëtar veshjet tona autoktone.

Tani në nderim të saj ka nisur pikturimi i një murali në qytetin e Ferizajt, në pjesën anësore të një banese.

Është përzgjedhur që imazh i pikturimit të jetë një fotografi e këngëtares shqiptare me veshje tradicionale, ku shfaqet me duar te gjoksi duke bërë simbolin e Shqiponjës.

Me të parë këtë, Rita Ora ndau me ndjekësit e saj në InstaStory një video, nga raportimet e një prej televizioneve të Kosovës, që tregonte punën që po bëjnë artistët për finalizimin e këtij murali.

“Wow më keni emocionuar jashtëzakonisht shumë me këtë”, ka shkruar 30—vjeçarja në mbishkrimin e postimit.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu