GREQI- Mykonos qëndroi në errësirë mbrëmjen e djeshme për më shumë se dy orë për shkak të një defekti teknik, dhe turistët u përpoqën të vazhdonin argëtimin e tyre dhe të shëtisnin nëpër rrugicat e errëta. Problemin më të madh e kanë hasur ambientet e hotelierisë, pasi ishte ora e pikut. Megjithatë, disa më me fat ishin ulur në dyqane që kishin gjeneratorë, shkruajnë mediat greke.
“Rreth orës 21:45 për shkak të disa defekteve teknike të rrjetit ka pasur një ndërprerje të energjisë elektrike që ka prekur 2/3 e Mykonos. Mesa duket janë prekur disa biznese, të cilat kanë mbetur pa energji në një kohë kur ato ishin shumë të kërkuara, kryesisht restorante”, tha Heraklis Zisimopoulos, president i Shoqatës së Biznesmenëve të Mykonos.
Në fakt, siç thonë banorët dhe biznesmenët e ishullit, kjo nuk është hera e parë që ka ndërprerje të energjisë elektrike. Sipas profesionistëve të ishullit, ndërprerja ka ndodhur pasi dje ka pasur temperatura të larta dhe të gjithë kondicionerët janë ndezur.
