Një kuzhinier i papunë, i cili ra në shitjen e drogës pasi kishte një borxh kokaine, u gjet në një fabrikë kanabisi në Banbury.
Por gjykatësi John Bate-Williams e lejoi 30-vjeçarin Mateo Dedej të dilte nga gjykata me një dënim të pezulluar, me arsyetimin se shqiptari ishte kërcënuar nga gangsterët që e kishin detyruar të kujdesej për bimët.
Gjykatësi citoi nga intervista e vetë Dedej pasi ai u arrestua në fabrikën e drogës Edmunds Road më 12 maj.
“Ata [banda] kërcënojnë njerëzit e thjeshtë. Ata bëjnë presione dhe vazhdojnë të shfrytëzojnë njerëzit. Sjellin vetëm ushqime dhe vendosin të mos më paguajnë apo të më japin para”, u tha ai oficerëve.
Duke e dënuar atë me 15 muaj burgim që iu konvertua në 100 orë punë dhe shërbim komunitar.
Gjykatësi, Bate-Williams tha: “Kjo ishte padyshim një sipërmarrje shumë profesionale. Unë i kam parë fotografitë. Kjo nuk ishte një përpjekje e thjeshtë për të kultivuar kanabis për përdorim personal”.
Fabrika u zbulua kur policia theu dyert e pronës në rrugën Edmunds dhe gjeti Dedejn duke u përpjekur të ikte nga pjesa e pasme e shtëpisë.
Brenda, kishte gjithsej 61 bimë kanabisi që rriteshin nën një varg llambash nxehtësie në dy dhoma.
Droga kapte vlerën e 18 mijë paundëve nëse do të trafikohej, por mund të kishte vlerën 45 mijë paundëve nëse vendosej për t’u shitur në rrugë.
