Një 61-vjeçar është arrestuar nga Policia e Gjirokastrës, pasi dyshohet se ka ngacmuar seksualisht 3 vajza të mitura, më e vogla e tyre 7 vjeçe.
Ngjarja e rëndë ka ndodhur ditët e fundit, dhe dyshohet se është denoncuar nga familjarët e vajzave, ndërkohë që mbi 61-vjeçarin rëndon akuza e “ngacmimit seksual”.
Njoftimi i policisë:
Specialistët për Hetimin e Krimeve në Komisariatin e Policisë Gjirokastër bënë ndalimin e shtetasit V. M., 61 vjeç, banues në Erind, Gjirokastër, pasi dyshohet se ka ngacmuar seksualisht tri vajza të mitura të moshës 14 vjeçe, 8 vjeçe dhe 7 vjeçe.
Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Ngacmimi seksual”.
