Nuk ka ‘paqe’? Dua Lipa dhe Rita Ora shmangin sërish njëra-tjetrën

0

Pavarësisht dëshirës sonë të madhe për t’i parë bashkë, duket se ka një ngërç që nuk po shkrihet mes Dua Lipës dhe Rita Orës.

Dy yjet shqiptare me fame botërore kanë marrë pjesë në ‘Met Gala’, por nuk janë shfaqur në asnjë moment krah njëra-tjetrës. Duket se ato janë shmangur edhe këtë here duke treguar se gjërat janë njësoj. Ose ndoshta nuk kanë pasur realisht mundësi të takohen, një skenar më pak i besueshëm ky.

Gjithsesi, nuk përjashtohet mundësia që ato mund të jenë përshëndetur, por deri tani, nuk ka asnjë foto a moment të tyre bashkë.

Dua u shfaq me një fustan vintage të vitit 1992 ‘Chanel’, i veshur fillimisht nga supermodelja ikonike e viteve ’90, Claudia Schiffer. Fustani në formë tweed, përfshinte një mes të strukturuar me korse me tuba me vija bardh e zi, një fund të fryrë dhe me thekë. Këngëtarja e kombinoi look-un e saj me një varse diamanti 200+ karatësh Tiffany, unaza dhe taka me majë metalike.

Kurse Rita nga ana tjetër, kishte veshur një fustan të zi Prabal Gurung me detaje të tejdukshme përgjatë bustit të saj, detaje lulesh 3D si tyl dhe një bisht të gjatë anësor. Vëmendje morën sidomos thonjtë e saj, të cilët kishin zinxhirë argjendi shumë të gjatë. Ajo kishte vendosur bizhuteri Buccellati dhe taka Jimmy Choo Liberty.

Para disa javësh motra e Ritës, njëkohësisht edhe menaxherja e saj, Elena, ka publikuar në Instagram një foto me Duan për të cilën shkruante fjalët më të mira.

“Mbretëresha ime e bukur shqiptare, kaq krenare me ne, ne drejtojmë botën”, shkruante Elena, duke shprehur përkrahjen dhe dashurinë ndaj Duas.

Çfarë ka ndodhur mes Rita Orës dhe Dua Lipës?

Sipas asaj që raportohet, shkak i një hatërmbetjeje mes artisteve është bërë mungesa e mbështetjes nga Rita për Duan kur kjo e fundit ishte në fillim të karrierës dhe tashmë që ka kapur majat autorja e hitit “New Rules” nuk ia fal këtë gjë.

Bebe Rexha kohë më parë tregoi se ka dëshiruar prej kohësh që të realizohet një bashkëpunim mes saj, Ritës, Duas dhe Ava Max, por planet janë shkatërruar për shkak të dy artisteve.

“Kam tentuar vërtetë. Nuk e di realisht se çfarë po ndodh mes tyre apo çfarë historie ka. Gjithmonë kam tentuar të ruajë paqen dhe t’i bashkoj vajzat. Për mua, do të doja shumë që të bënim diçka bashkë, por nuk jam e sigurt se do të ndodhë ndonjëherë. Dhe nuk do të them më gjë për këtë. Është e çuditshme, sepse unë e di se çdo të thotë të jesh vajzë dhe ndonjëherë ne mund të bëhemi shumë konkurruese. Nuk po flas vetëm për veten, Duan, Ritën apo Avan, por flas për gjithë femrat në përgjithësi. Nuk ka shumë vajza në industri. Është e trishtueshme që ka një konkurrencë të pashprehur. Do të doja shumë që të ndodhte, sepse unë i njoh të gjitha këto vajza personalisht dhe janë të gjitha të mrekullueshme”, është shprehur Bebe për “The Sun”.

Çfarë kanë thënë artistet për njëra-tjetrën?

Gjatë konferencës për shtyp para koncertit në Tiranë më 6 shtator, Rita Ora foli për herë të parë në lidhje me mundësinë e një bashkëpunimi mes saj dhe Dua Lipës. Konkretisht këngëtarja u pyet nëse do të ketë në të ardhmen një bashkëpunim mes saj dhe artisteve të tjera që kanë korrur sukses ndërkombëtar, Dua Lipa, Bebe Rexha dhe Ava Max.

Në përgjigjen e saj Rita Ora e buzëqeshur përmendi fillimisht hapat e parë të karrierës së sa, e cila nisi rreth një dekadë më parë. Këngëtarja tha se ndihet shumë me fat dhe e lumtur që vendi jonë po njihet më shumë falë artistëve shqiptarë. Sa i përket bashkëpunimit, Rita tha se “gjërat bëhen në kohën” e duhur, duke shtuar se kur të vijë kjo kohë ajo është “gati.”

Po ashtu edhe Dua në një intervistë për “Daily Mail” para pak javësh përmendi Ritën, duke u shprehur se do të donte që Kosova të njihej nga të gjithë si vendi i saj dhe i Rita Orës, jo si shteti mes Italisë dhe Greqisë.

“Pra, nëse dikush thotë ‘oh, ku është Kosova?’ njerëzit thonë ‘është mes Italisë dhe Greqisë, por Rita Ora është nga atje, Dua Lipa nga atje’. Ata fillojnë të flasin për këtë dhe është një gjë për të cilën je krenare. Ju menjëherë ndiheni përgjegjës për imazhin që portretizoni dhe mënyrën se si përfaqësoni vendin tuaj”- u shpreh Dua.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu