Nxehjet, djersitjet e natës dhe shqetësimet e gjumit karakterizojnë periudhën e menopauzës në jetën e një gruaje, duke prekur të gjitha aspektet e saj. Por a ka ndonjë mënyrë për ta bërë më të lehtë jetën e përditshme të grave në këtë fazë kalimtare?
Sipas një rishikimi më të ri, të botuar në Gazetën e Shoqatës Mjekësore Kanadeze (CMAJ) , terapia hormonale ose terapia e zëvendësimit të hormoneve, rekomandohet përsëri si trajtim i linjës së parë tek gratë pa faktorë rreziku.
Megjithëse është konsideruar prej kohësh një trajtim gjerësisht efektiv, kjo dëshmi e fundit përmbledh diagnozën dhe trajtimin e simptomave të menopauzës, si dhe rreziqet dhe përfitimet e trajtimeve, me qëllimin për të ndihmuar klinikët dhe pacientët të optimizojnë menaxhimin e situatës.
Përfitimet e terapisë hormonale përfshijnë:
deri në 90% më pak ndezje të nxehta në pacientët me simptoma të moderuara deri në të rënda,
nivele të përmirësuara të lipideve në gjak dhe reduktim i mundshëm i rrezikut të diabetit mellitus,
më pak fraktura të ijeve, shtyllës kurrizore dhe kockave të tjera;
Ka edhe rreziqe
Megjithëse provat e mëparshme kërkimore kanë nxjerrë në pah rrezikun e kancerit të gjirit, rreziku është shumë më i ulët tek njerëzit e moshës 50-59 vjeç dhe tek ata që fillojnë terapinë hormonale në 10 vitet e para pas menopauzës.
Studime të tjera kanë treguar një rrezik në rritje të goditjes ishemike në gratë mbi moshën 60 vjeç, të cilat fillojnë trajtimin 10 vjet pas fillimit të menopauzës. Megjithatë, rreziku mbetet i ulët për gratë nën moshën 60 vjeç.
Nga ana tjetër, njerëzve me faktorë rreziku ose që nuk dëshirojnë të marrin këtë trajtim rekomandohen gjithashtu trajtime jo-hormonale, të tilla si disa frenues selektiv të rimarrjes së serotoninës (SSRI) dhe ilaçe të tjera, të cilat mund të ndihmojnë në kontrollin e simptomave.
“Pavarësisht shqetësimeve fillestare rreth rritjes së rrezikut të ngjarjeve kardiovaskulare me terapinë hormonale, provat në rritje sugjerojnë një reduktim të mundshëm të sëmundjes koronare të zemrës pas terapisë hormonale në mesin e pacientëve të rinj në menopauzë, veçanërisht atyre që e fillojnë trajtimin para moshës 60 vjeç ose brenda 10 viteve nga menopauza . shënojnë autorët.
Së fundi, autorët theksojnë se është e rëndësishme që klinicistët të pyesin për simptomat para dhe gjatë menopauzës dhe të diskutojnë trajtimet me pacientët, bazuar në preferencat e tyre personale dhe faktorët e mundshëm të rrezikut.
Gazeta Shqiptare
