Kryeministri sllovak lëshoi një paralajmërim të ashpër për të ardhmen e vendit të tij, nëse Rusia mposht Ukrainën, gjatë një paneli në Forumin Ekonomik Botëror në Davos këtë të mërkurë.
“Nëse Ukraina dështon, Sllovakia është e radhës,” u tha kryeministri Eduard Heger liderëve të tjerë të BE-së. “Ata (Ukrainasit) duhet të fitojnë”, tha ai.
Heger vazhdoi të kritikonte anëtarët e Bashkimit Evropian se mbështeten shumë në energjinë ruse. Ai u bëri thirrje udhëheqësve që të “ndalojnë kompromentimin” e parimeve të tyre kur kanë të bëjnë me Rusinë.
“Ne në thelb i këmbyem vlerat tona me gaz dhe naftë të lirë për një kohë të gjatë,” tha ai. “Kompromisi me Putinin shkaktoi një luftë në Ukrainë. Një luftë agresive, njerëzit po vdesin. Ukrainasit “po derdhin gjakun e tyre për vlerat tona, kështu që ne nuk kemi pse ta bëjmë”, shtoi kryeministri sllovak.
Heger i kërkoi bllokut të punonte me Ukrainën dhe Ballkanin Perëndimor për të nxjerrë “rregulla të standardizuara në mënyrë që ata të mund të anëtarësohen në BE”.
Ukraina, ka thelluar lidhjet e saj ekonomike dhe politike me BE-në dhe Kievi ka shprehur dëshirën për t’u anëtarësuar. Vendet në Ballkanin Perëndimor kanë kërkuar gjithashtu anëtarësim prej vitesh.
