Sipas MeteoAlb vendi ynë do të vijojë të jetë me kthjellime të pakta dhe vranësira të shpeshta, të cilat herë pas here do të gjenerojnë reshje shiu në ultësirën perëndimore.
Ndërsa në zonat malore veriore do të ketë reshje të pakta dëbore, ku më të dukshme reshjet do jenë në pjesën e dytë të ditës.
Temperaturat e ajrit do të ulen në mëngjes, por do të rriten në mesditë duke luhatur vlerat ditore nga -4°C deri në 13°C.
Era do fryjë mesatare gjatë paradites por do të forcohet në pasdite duke arritur në det shpejtësinë 55 km/h nga drejtimi Jugor duke krijuar dallgëzim 5 ballë.
