Tiranë- Gjykata e Posaçme e Shkallës së Parë për Krimet e Rënda (GJKKO) ka lënë në fuqi masën “Arrest me burg” për kryebashkiakun e Tiranës, Erion Veliaj. Pas këtij vendimi, Veliaj është dërguar në paraburgimin e Durrësit, ku do të qëndrojë deri në zhvillimin e hetimeve të mëtejshme.
Ky vendim erdhi pas shqyrtimit të kërkesës për ndryshimin e masës së sigurisë, të cilën e kishin paraqitur avokatët e tij. Ata kishin kërkuar që Veliaj të hetohet në liri, por GJKKO ka vendosur të mbajë në fuqi masën e “arrestit me burg”.
Erion Veliaj po hetohet për akuza të rëndësishme, ndërsa hetimet vijojnë për të zbardhur plotësisht rrethanat e ngjarjeve që kanë çuar në këtë situatë.
