Ministrja gjermane e Shtetit, Anna Lührmann, pritet të vizitojë sot kryeqytetin shqiptar, Tiranën, një ditë pas vizitës së saj në Maqedoninë e Veriut. Lührmann pritet të takohet gjatë kësaj vizite me Kryeministrin e Shqipërisë, Edi Rama, me Zëvendëskryeministrin Arben Ahmetaj dhe me zëvendësministren e Punëve të Jashtme, Megi Fino.
Takimi me Zëvendëskryeministrin Arben Ahmetaj mësohet se do të zhvillohet në orën 09:30 në ambientet e Kryeministrisë, ndërsa menjëherë më pas pritet që ata të dalin në një konferencë për shtyp.
Në qendër të diskutimeve mes palëve mësohet të të jenë marrëdhëniet dy palëshe, procesi i integrimit në Bashkimin Evropian, bashkëpunimi rajonal dhe programi i Shqipërisë si vend anëtar i ri jo i përhershëm i Këshillit të Sigurimit të Kombeve të Bashkuara.
Ndërkohë, ministrja e Shtetit, Anna Lührmann do të takohet gjithashtu edhe me përfaqësues të shoqërisë civile.
