Mesditën e sotme, një apartament në zonën e Astirit në Tiranë, ka shpërthyer në flakë.
Pamjet e bëra publike, tregojnë tymin e zi që është duke dalë nga ballkoni i apartamentit.
Mësohet se familjarët kanë arritur të dalin jashtë dhe nuk raportohet për të lënduar, ndërkohë që zjarrfikës shihen në taracën e pallatit.
Zjarri duket ka përfshirë të gjitha dhomat e apartamentit, ku dyshohet se ka shpërthyer nga një shkëndijë elektrike e frigoriferit.
